„საჯარო სამსახურის შესახებ“ ახალი კანონპროექტის განხილვა
23 ივლ 2015 23 ივლისს, საქართველოს პარლამენტმა "საჯარო სამსახურის შესახებ" ახალი კანონპროექტი პირველი მოსმენით განიხილა. კანონპროექტის ზოგადი პრინციპები და ძირითადი დებულებები კანონმდებლებს საჯარო სამსახურის ბიუროს უფროსმა ეკატერინე ქარდავამ გააცნო.
აღნიშნული კანონპროექტი მომზადდა საქართველოს მთავრობის მიერ შემუშავებული საჯარო სამსახურის რეფორმის კონცეფციის გათვალისწინებით და მას საფუძვლად ის გამოწვევები დაედო, რაც დღეს საჯარო სამსახურის სისტემის წინაშე არსებობს.
კანონპროექტით ზუსტად განიმარტა ის პრინციპები, რომლებზეც უნდა დამყარდეს შემდგომში საჯარო სამსახურის სისტემა.
ეკატერინე ქარდავას განცხადებით, კანონპროექტი შემუშავდა მთავრობის ადმინისტრაციის, საჯარო სამსახურის ბიუროსა და ევროკავშირის ექსპერტების ჩართულობით და მიზნად ისახავს ევროპული სტანდარტის საჯარო სამსახურის სისტემის ჩამოყალიბებას საქართველოში.
.svg)