დასრულდა საჯარო მოხელეთა ტრენინგები ლიდერულ უნარებში
26 ივლ 2012 საჯარო მოხელეთა ტრენინგები ლიდერულ უნარებში წარმატებით დასრულდა. სახელმწიფო უწყებების საჯარო მოხელეები ლიდერული უნარების ტრეინინგს დაესწრნენ, რომელიც საჯარო სამსახურის ბიუროს ინიციატივითა და USAID-ის დემოკრატიული მმართველობის პროგრამის მხარდაჭერით განხორციელდა.
ტრეინინგების თეორიულ და პრაქტიკულ ნაწილში შედიოდა შემდეგი საკითხები: ლიდერობის არსი (ძირითადი განმარტებები), უმთავრესი თეორიები (ლიდერობა და მენეჯმენტი), მენეჯერული ფუნქციები და როლი ძალაუფლებისა და ზეგავლენის საკითხებში, უფლებების დელეგირება, ინოვაციები და სხვა. ტრეინინგ კურსს უძღვებოდა CTC-ის ტრენერი, ქალბატონი თამარ ცირეკიძე-ვორისეკი.
საჯარო სამსახურის ბიურო საჯარო მოხელეთა გადამზადების ციკლს მიმდინარე წლის იანვრიდან ახორციელებს. რაც ხელს უწყობს მაღალკვალიფიციური კადრების პროფესიონალიზმის კიდევ უფრო ამაღლებას საჯარო სექტორში. მსგავსი ღონისძიებების ორგანიზება უახლოეს მომავალშიც იგეგმება.
.svg)