Loading
ქარ
Eng
ქარ
Eng
ინსტიტუციური მოწყობა
20 აპრილი

აღმოსავლეთ პარტნიორობის მრავალმხრივი თანამშრომლობის ფარგლებში სამუშაო შეხვედრა გაიმართა

icon დაემატა 22 ნოე 2019

20 აპრილს, აღმოსავლეთ პარტნიორობის მრავალმხრივი თანამშრომლობის I პლატფორმის - „ინსტიტუტების გაძლიერება და კარგი მმართველობა“, საჯარო მმართველობისა და საჯარო სამსახურის რეფორმის საკითხებზე პანელის ფარგლებში, საჯარო სამსახურის ბიუროს ორგანიზებითა და ევროკავშირისა და ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით, გაიმართა სამუშაო შეხვედრა თემაზე „საჯარო დაწესებულებების ფუნქციური და ინსტიტუციური ანალიზი, ორგანიზაციული სტრუქტურა“.

შეხვედრა მიზნად ისახავდა საჯარო დაწესებულებების ფუნქციური და ინსტიტუციური ანალიზის პრინციპების გაცნობას, საერთო გამოწვევების დაძლევის მეთოდების გაზიარებას საერთაშორისო გამოცდილების გათვალისწინებით.

ღონისძიებაში მონაწილეობას იღებდნენ აზერბაიჯანის, ბელარუსის, მოლდოვის, საქართველოს, სომხეთისა და უკრაინის სამთავრობო უწყებების და სამოქალაქო საზოგადოების წარმომადგენლები, ასევე ადგილობრივი და მოწვეული ექსპერტები.

შეხვედრის პირველი ნაწილი დაეთმო აღმოსავლეთ პარტნიორობის ქვეყნების გამოცდილების გაზიარებას, ხოლო მეორე ნაწილი - საქართველოში ამ მიმართულებით განხორციელებულ აქტივობებს. ღონისძიების დასრულების შემდეგ, სტუმრები ეწვივნენ სსიპ - ინოვაციებისა და ტექნოლოგიების სააგენტოს ტექნოლოგიურ პარკს, სადაც გაეცნენ პარკის სამრეწველო ინოვაციების ლაბორატორიას.

საჯარო სამსახურის ბიურო მადლობას უხდის საქართველოში ევროკავშირის წარმომადგენლობას და ამერიკის შეერთებული შტატების საერთაშორისო განვითარების სააგენტოს (USAID) მხარდაჭერისთვის.

მისამართი:
ადგილმდებარეობა:
ორგანიზატორები:
დაწყების თარიღი: 20.04.2018 00:00:00
დასრულების თარიღი: 20.04.2018 00:00:00

გამოგადგათ ინფორმაცია